Etapa e parë e Auto Energjisë filloi më 13 qershor të vitit 1994, e fokusuar vetëm në një shërbim i cili ishte mjeshtëria elektrike e veturave, periudhë kjo e cila hodhi themelet e Auto Energjisë së sotme. Duke e marr parasysh kohën e pasluftës në të cilën vendi ynë gjindej në atë kohë, ai ishte pronari dhe punëtori i vetëm njëkohësisht i cili me vetëm mjetet elementare të punës arriti të krijonte një klientelë të madhe.
Duke e parë rritjen e vazhdueshme të kërkesës dhe dëshira për t’iu përshtatur nevojave të klientëve, z. Driton Salihu e pa të arsyeshme ndrrimin e lokacionit. Etapa e dytë e Auto Energjisë fillon në një lokacion të ri ku ‘’Energjia’’ vazhdon të zgjerohet profesionalisht sa i përket rritjes së shërbimeve dhe stafit. Puna e pandalshme dhe rritja e kërkesës shtyen pronarin detyrimisht që të vendoset në një lokacion edhe më të madh.

Etapa e tretë fillon në vitin 2006 kur ‘’Energjia’’ zhvendoset përfundimisht në Bërnicë dhe me arritjen e posedimit e të gjitha mjeteve adekuate të punës dhe mundësinë e ofrimit të të gjitha shërbimeve automobilistike, ajo merr emrin ‘’Auto Energjia’’.